लेखक सरला गौतमको उपन्यास ‘अम्रिकाने काशी’ लोकार्पण तथा परिसंवाद भएको छ । शनिवार आयोजित एक समारोहमा हास्य अभिनेता मदनकृष्ण श्रेष्ठ, समलिंगी अभियान्ता सुलिबाबु पन्त र लेखक भूषिता वशिष्ठले पुस्तक लोकार्पण गरेका थिए ।

एक चेतनशील कुकुरको कथा लिएर आएका आख्यानकार सरला गौतमले मानवहरु नै जनावर र प्रकृतिलाई धावा बोलिरहेको बेला आफूले जनावरको माध्यमबाट चेतनाको स्तर पाठकहरुमाझ पस्कन कोसिस गरेको कुरा बताएकी थिइन् । भूषिताको चेनतशील कुकुरको कथा लेख्न केले प्रेरित गर्यो भन्ने प्रश्नमा सरलाको जवाफ थियो, ‘जनवार र प्रकृतिको नैसर्गिक लोकतन्त्रमा मानसिहरुले धावा बोलिरहेका छन् । यस्तो अवस्थामा कुकुरको चेतनासँग मानवीय कथालाई भन्न सकिने भएकाले यो उपन्यास लेखें । पढ्दा काल्पनिक लागेपनि हामीले देखेर पनि बेवास्ता गरिरहेको हाम्रै समाजको कथा हो यो ।’

मुस्ताङकको लेतेमा जन्मिएको कुकुर काशीले आफ्ना हक अधिकारका लागि अमेरिकासम्म पुगेर आएको र अधिकार स्थापनाका लागि मानव समाजसँग गरेको संघर्षको कथा उपन्यासमा चित्रण छ । बुकहिल पब्लिकेशनले प्रकाशन गरेको १६४ पृष्ठको सचित्र पुस्तकको मूल्य ५ सय रुपैयाँ छ ।

• Mr. Admin