काठमाडौं, असार ९ । नेपाल प्रज्ञा–प्रतिष्ठानको ६८औं वार्षिकोत्सवको अवसरमा आयोजित राष्ट्रिय कविता महोत्सव–२०८२ मा देशभरका उत्कृष्ट १० जना कविहरू पुरस्कृत हुने भएका छन्। प्रतिष्ठानको मूल्याङ्कन समितिबाट छानिएका यी कविहरूले विभिन्न भाषा, भाव र भूगोल समेटेर रचना प्रस्तुत गरेका थिए।
आजै मिति २०८२ असार ९ गते सम्पन्न महोत्सवमा देशका विभिन्न जिल्लाबाट सहभागी कविहरूमध्ये उत्कृष्ट ठहरिएका १० कविहरूको नाम सार्वजनिक गरिएको हो।
📜 पुरस्कारका लागि छनोट भएका उत्कृष्ट १० कविहरू र तिनका कविता हेर्नुहोस्
क्र.सं. कविको नाम कविताको शीर्षक ठेगाना
१. अविनाश भट्टराई छुटिजानेहरूको नाममा सिराहा
२. कर्ण सजय पिताजी अहाँ के छली (मैथिली भाषा) मोरङ
३. किशन पौडेल पृथ्वीको कन्दन मकवानपुर
४. गोमा श्रेष्ठ भालेको मौन विद्रोह (नम जुड)
५. चन्द्रमणि चापागाई औजार नवलपरासी
६. तुलसी केसी तिम्रो गाउँको शून्यता रुकुम पश्चिम
७. मिरमा (रमा सुवेदी) अचेल हरेक रात पहाड रुन्छ मकवानपुर
८. शमूएल कोइराला विश्वकर्मा नेपाल मेरो घर सुनसरी
९. सन्ख्या महर्जन हिउँ सः से तनाच्वंगु मौन म्हगस (नेपालभाषा) सलिलपुर
१०. सिर्जन अविरल जीवनको महक चितवन
यस वर्षको कविता महोत्सवमा नेपाली मात्र होइन, मैथिली र नेपालभाषाका रचनाहरूले पनि स्थान पाएकोमा आयोजकले विविधतायुक्त भाषिक स्वरको सम्मान भएको उल्लेख गरेका छन्। समाज, देश, व्यक्तिगत पीडा र प्राकृतिक चेतनालाई कलात्मक ढंगमा प्रस्तुत गरेका रचनाहरूले मूल्याङ्कन समितिको ध्यान तानेको थियो ।
नेपाल प्रज्ञा–प्रतिष्ठानले कविता तथा साहित्यिक सिर्जनालाई प्रोत्साहन गर्न विगत ६८ वर्षदेखि राष्ट्रिय स्तरमा प्रतियोगिता, सम्मान तथा पुरस्कार वितरण कार्यक्रम सञ्चालन गर्दै आएको छ।
यस वर्ष पनि साहित्यमा नवप्रवेशी तथा स्थापित स्रष्टाहरूलाई एउटै मञ्चमा उभ्याएर काव्यशक्ति प्रदर्शन गर्न सक्ने वातावरण सिर्जना गरिएको संस्थाले जनाएको छ।
✍️ हस्ताक्षरकर्ता:नेपाल प्रज्ञा–प्रतिष्ठानका सदस्य–सचिव डा. धनप्रसाद सुर्वेदी ले गरेका छन् ।
📌 नोट: पुरस्कार वितरणको मिति तथा कार्यक्रमबारे जानकारी प्रतिष्ठानले आगामी दिनमा सार्वजनिक गर्ने बताइएको छ।
-
Jigyasanepal
