काठमाडौं, ५ कात्तिक – नेपालले अमेरिकाविरुद्धको तीन खेलको टी-२० अन्तर्राष्ट्रिय सिरिजलाई प्रभावशाली रूपमा क्लिनस्वीप गरेको छ। तेस्रो तथा अन्तिम खेलमा अमेरिकालाई ८ विकेटले पराजित गर्दै नेपालले सिरिज ३-० ले आफ्नो पक्षमा पार्यो।
आजको खेलमा अमेरिकाले दिएको १५७ रनको लक्ष्य नेपालले १८.४ ओभरमा २ विकेट गुमाउँदै सहजै पूरा गर्यो। नेपालका ओपनर आसिफ शेखले ५० रन बनाएका थिए भने अनिल शाह १३ रनमा आउट भए। त्यसपछि कुशल मल्ल (४४ रन) र कुशल भुर्तेल (४० रन) अविजित रहँदै नेपाललाई विजयी बनाए।
बलिङतर्फ अमेरिकाका जुवानाय ड्राइसडेल र जसदीप सिंहले एक/एक विकेट लिए।
यसअघि डालसमा भएको खेलमा टस जितेर पहिले ब्याटिङ गरेको अमेरिकाले निर्धारित २० ओभरमा ५ विकेट गुमाउँदै १५६ रन बनाएको थियो। अमेरिकाका सैतेजा मुक्कामल्लाले ६८ रनको उत्कृष्ट पारी खेले भने मिलिन्ड कुमारले ४३ रन जोडे। अन्य ब्याटरले खास प्रदर्शन गर्न नसक्दा अमेरिकाको स्कोर चुनौतीपूर्ण भए पनि पर्याप्त साबित भएन।
यो जितसँगै नेपालले टी-२० सिरिजमा अमेरिकाविरुद्ध आफ्नो दबदबा देखाउँदै सिरिजलाई एकतर्फीबनाएको छ।
- Jigyasa media
