काठमाडौं । टी-२० विश्वकपको एशिया क्वालिफायर अन्तर्गत भएको खेलमा मंगोलिया सिंगापुरविरुद्ध केवल १० रनमै अल आउट भएको छ। बिहीबार सम्पन्न खेलमा मंगोलियाले १० ओभरमा मात्र १० रन बनाएको थियो।
मंगोलियाका पाँच खेलाडी डक आउट भए भने २ खेलाडीले २-२ रन मात्र बनाएका थिए। अतिरिक्त २ रनसहित चार खेलाडीले १-१ रन जोड्न सके। मंगोलियाको कमजोर ब्याटिङ लाइनअपलाई ध्वस्त गर्ने क्रममा सिंगापुरका बलर हर्ष भारध्वाजले ६ विकेट लिए।
११ रनको लक्ष्य पछ्याएको सिंगापुरले मात्र ५ बलमा एक विकेट गुमाएर सहजै खेल जित्यो।
यस खेलसँगै मंगोलिया टी-२० अन्तर्राष्ट्रिय क्रिकेटमा सबैभन्दा कम रन बनाउने दोस्रो टिम बनेको छ। यसअघि आइल अफ म्यानले स्पेनविरुद्ध १० रन मात्र बनाएको थियो।
मंगोलियाको लागि यो वर्ष लज्जास्पद प्रदर्शन जारी छ। यसअघि मंगोलियाले जापानविरुद्ध १२ र हङकङविरुद्ध १७ रन मात्र बनाएको थियो, जसले यो वर्ष मंगोलियाको तीन पटक कम स्कोर बनाउने सूचीमा परेको छ।
- Jigyasa media
