काभ्रे, नमोबुद्ध– बीपी राजमार्गमा आज दिउँसो भएको गंभीर सवारी दुर्घटनामा दुईजनालाई चोट लागेको छ। मिति २०८२ मंसिर १ गते दिउँसो १२:२० बजे, काभ्रे नमोबुद्ध नगरपालिका–२ बेला नजिक धुलिखेलबाट भकुण्डेबेशी तर्फ जाँदै गरेको बा.प्र.०१–०२८ च २०४४ नम्बरको EV कार अनियन्त्रित भई बा ४ ख ८२४० नम्बरको यात्रुबाहक बससँग ठोक्किँदा दुर्घटना भएको हो।

प्राप्त जानकारी अनुसार कारको टाइरेट अचानक भाँचिँदा सवारी अनियन्त्रित हुँदै सो कारले विपरीत दिशाबाट आउँदै गरेको बसमा ठोक्किएको प्रहरीले जनाएको छ। दुर्घटनापछि कार घटनास्थलमै क्षतिग्रस्त अवस्थामा फसेको छ भने बसमा सामान्य क्षति पुगेको छ।

दुर्घटनामा कारमा रहेका दुई जना घाइते भएका छन्। उनीहरूको परिचय यसप्रकार छः

घाइतेहरूको विवरण

१) कार चालक

नाम : सल बहादुर धिमाल

उमेर : ४१ वर्ष

ठेगाना : मोरङ, बेलवारी नगरपालिका–१

अवस्था : दुबै हात–खुट्टामा चोट, अवस्था मध्यम

२) कारमा सवार

नाम : सुनिल कुमार महत्तो

उमेर : २२ वर्ष

ठेगाना : सिराहा, सुखिपुर नगरपालिका–१०

अवस्था : टाउकोमा चोट, दाहिने हातको कुममा भित्री चोट, बोल्न सक्ने अवस्थाका

दुर्घनाग्रस्त दुबै जनालाई तुरुन्तै उद्धार गरी धुलिखेल अस्पताल पठाइएको प्रहरीले जानकारी दिएको छ।

यात्रुबाहक बसका चालक उदय बहादुर मगर (उमेर ३९, घर रामेछाप मन्थली–७, हाल बसोबास भक्तपुर चागुनारायण) लाई प्रहरीले सोधपुछका लागि नियन्त्रणमा लिएको जनाएको छ।

मनसुनपछिको यात्रु चाप बढिरहेका बेला बीपी राजमार्गमा लगातार साना–ठूला दुर्घटनाहरू भइरहेको भन्दै प्रहरी प्रशासनले सावधानी अपनाउन चालकलाई आग्रह गरेको छ।

• Jigyasanepal