९ साउन २०८१, बुधबार हेटौंडा - हेटौंडा उपमहानगरपालिका-५ भैरवरोडस्थित चिसापानीमा श्रीमान श्रीमती आफ्नै घरभित्र मृत फेला परेका छन्।
६२ वर्षीय केशव भण्डारी र ५६ वर्षीया अम्बिका भण्डारी बुधबार अपराह्न मृत अवस्थामा भेटिएको मकवानपुर प्रहरीले जानकारी दिएको छ। प्रहरी निरीक्षक प्रकाश शाहका अनुसार, अम्बिका भण्डारीको घाँटीमा धारिलो हतियारको प्रहार भएको पाइएको छ।
घटनाको अनुसन्धानका लागि मकवानपुरका प्रहरी उपरीक्षक सिताराम रिजालको नेतृत्वमा टोली खटिएको छ। मृतक दम्पतीका एक छोरा, बुहारी र छोरी छन्। छोरा र बुहारी बाबुआमासँगै बस्दै आएको प्रहरी निरीक्षक शाहले बताए।
यस घटनाले स्थानीयमा ठूलो चासो र शोक उत्पन्न भएको छ। मकवानपुर प्रहरीले घटनाको अनुसन्धान गरिरहेको छ।
- Jigyasa media
