चैत १८, काठमाडौं । इस्लाम धर्मावलम्बीहरूको प्रमुख पर्व इद–उल–फित्रको अवसरमा आज देशभर सार्वजनिक बिदा दिइएको छ।
गृह मन्त्रालयका अनुसार नेपाल राजपत्रमा प्रकाशित सूचनाअनुसार इद पर्वको अवसरमा सोमबार सार्वजनिक बिदा दिने निर्णय गरिएको हो। मन्त्रालयका प्रवक्ता रामचन्द्र तिवारीले आइतबार एक विज्ञप्ति जारी गर्दै यसबारे जानकारी गराएका थिए।
इद–उल–फित्र मुस्लिम समुदायको पवित्र पर्व हो, जुन रमजान महिनाको समाप्तिपछि मनाइन्छ। सरकारले प्रत्येक वर्ष यो अवसरमा मुस्लिम समुदायलाई सम्मान गर्दै सार्वजनिक बिदा दिने प्रचलन कायम राख्दै आएको छ।
- Jigyasa media
