काभ्रे, माघ ११ - काभ्रेको धुलिखेल नगरपालिका–९ स्थित श्याम प्रसाद दहालद्वारा सञ्चालित श्याम सुन्दर फर्निचर सेन्टरमा बिहीबार साँझ करिब ८:३० बजेको समयमा विद्युत् सर्ट भएर आगलागी भएको छ।

विद्युत् सर्ट सर्किटका कारण भएको आगलागी नियन्त्रण गर्न अहिले श्री कालिजंग गण, धुलिखेलबाट पर्शुराम शाक्यको नेतृत्वमा ३४ जनाको टोली खटिएको छ।

धुलिखेल नगरपालिका र नमोबुद्ध नगरपालिकाको दुईवटा दमकलसहित स्थानीयवासीहरू पनि आगो नियन्त्रणको प्रयासमा जुटेका छन्। स्थानीयले बाल्टिन र अन्य उपकरणहरूको सहयोगमा आगो निभाउने प्रयास गरिरहेका छन्।

स्थानीय प्रहरीका अनुसार आगलागीको कारण फर्निचर सेन्टरमा रहेका सामग्रीलाई ठूलो क्षति पुगेको छ। थप विवरण आउन बाँकी रहेको र क्षतिको आकलन भइरहेको जानकारी आएको छ।  Bop post it park बाट ससस्त्र प्रहरीका इन्स्पेकटर युवराज कार्की सहितको टोली पनि आगलागी नियन्त्रणमा खटिएको छ ।

स्थानीयको सक्रियता

स्थानीयवासीहरूले तत्काल घटनास्थलमा पुगेर दमकल टोलीलाई सहयोग गरेका छन्। आगलागीका कारण आसपासका क्षेत्रमा त्रास फैलिएको भए पनि समयमै दमकल र सेनाको सक्रियताले ठूलो क्षति हुनबाट जोगाउने प्रयास भइरहेको छ।

नेपाल प्रहरी ससस्त्र प्रहरी, सेना, र स्थानीयको संयुक्त प्रयासमा आगो नियन्त्रणमा लिन विभिन्न उपायहरू अपनाइँदै छ। आगलागीको विस्तृत विवरण र क्षतिको आकलनपछि थप जानकारी आउने बताइएको छ।

• Jigyasa media