पनौती । विश्व हिन्दु महासंघ नेपाल, राष्ट्रिय समिति अन्तर्गत काभ्रे जिल्लाको पनौती नगर कार्यसमितिले धार्मिक नगरसभा आयोजना गर्ने भएको छ। यो सभा आगामी २०८१ चैत १६ गते (शनिवार) पनौती–४ स्थित ताम्राकार पार्टी भेन्युमा बिहान १० बजेबाट सुरु हुने आयोजक समितिले जनाएको छ ।
नगरसभामा जिल्ला कार्यसमिति, प्रदेश कार्यसमिति, केन्द्रिय कार्यसमिति, केन्द्रिय प्रतिनिधिहरु, पालिका समितिहरु, आजीवन सदस्यहरु, तथा सम्पूर्ण धर्मानुरागीहरुसँग विशेष सहभागिताको आग्रह गरिएको छ।
यस धार्मिक नगरसभाका सम्बन्धमा पनौती नगर कार्यसमितिका अध्यक्ष मोहन कुमार बस्नेतले हिन्दू धर्म-संस्कृतिको प्रवर्द्धनका लागि यस्तो कार्यक्रम आवश्यक रहेको बताउँदै, सबैलाई उपस्थित भई कार्यक्रमलाई सफल बनाउन अपिल गरेका छन्।
नगरसभाअघि जिल्ला कार्यसमितिको नियमित बैठक बिहान ८ बजेदेखि १० बजेसम्म हुने भएको छ। बैठकपछि धार्मिक नगरसभा सुरु हुने बताइन्छ ।
कार्यक्रम विवरण:
📅 मिति: २०८१ चैत १६, शनिवार
📍 स्थान: ताम्राकार पार्टी भेन्यु, पनौती–४, काभ्रे
⏰ समय: बिहान १०:०० बजे
हिन्दू धर्म-संस्कृतिको जगेर्ना तथा धार्मिक चेतनाको प्रवर्द्धनका लागि यो नगरसभा महत्वपूर्ण हुने आयोजकको विश्वास छ।
- Jigyasa media
