माघ ३, काठमाडौं – अमेरिकाको लस एन्जलसमा भयावह आगलागीले हालसम्म २५ जनाको ज्यान गएको छ भने ३० जना बेपत्ता भएका छन्। आगलागीका कारण १२,००० भन्दा बढी भवन पूर्ण रूपमा ध्वस्त भएका छन्। ९० हजार मानिसलाई सुरक्षित स्थानमा जान चेतावनी दिइएको छ।

आगो कसरी फैलियो?

लस एन्जलसको जंगल क्षेत्रमा गत हप्ता सुकेको सल्लाको रुखमा लागेको आगोले ठूलो रुप लियो। १६० किलोमिटर प्रतिघण्टाको गतिमा चलेको 'सान्ता साना' नामक हावाले आगो झन् विकराल बनायो। यसले लस एन्जलस र वरपरका क्षेत्रलाई क्षति पुर्यायो।

स्थानीय अग्निनियन्त्रकहरूले आगो कसैले नियोजित रूपमा लगाएको कुनै प्रमाण नरहेको बताएका छन्। केही सामाजिक सञ्जाल प्रयोगकर्ताहरूले जंगलमा कसैले आगो लगाएको दाबी गरेका छन्।

प्रभावित क्षेत्रको अवस्था

आगलागीबाट १५५ वर्ग किलोमिटर क्षेत्र ध्वस्त भएको छ। चोरी र डकैती बढेपछि प्रहरीलाई कर्फ्यू लागू गर्नुपरेको छ। हालसम्म ५० व्यक्तिलाई विभिन्न आरोपमा पक्राउ गरिएको छ।

इतिहासमा यस्ता आगलागी

क्यालिफोर्नियामा पछिल्लो ५० वर्षमा ७८ भन्दा बढी ठूलो आगलागीका घटना भइसकेका छन्। १९३३ मा ग्रिफिथ पार्कमा लागेको डढेलो राज्यकै सबैभन्दा ठूलो थियो, जसले ८३ हजार एकड क्षेत्रफललाई क्षति पुर्यायो।

अमेरिकाको राष्ट्रिय मौसम सेवाका अनुसार खतराबाट पूर्ण रूपमा मुक्त हुन अझै समय लाग्नेछ।

• Jigyasa media