काभ्रे । काभ्रेपलाञ्चोक जिल्लामा डेंगु संक्रमणको संख्या निरन्तर बढ्दै गएको छ। स्वास्थ्य कार्यालय, काभ्रेपलाञ्चोकले जारी गरेको तथ्यांक अनुसार २०८१ साउन १ देखि भदौ १४ गतेसम्म जिल्लामा डेंगुका ५७ जना संक्रमित फेला परेका छन्।

तथ्यांक अनुसार धुलिखेल नगरपालिकामा सबैभन्दा धेरै १२ जना संक्रमित भेटिएका छन्। बनेपा नगरपालिकामा ११ जना र पनौती नगरपालिकामा ८ जना संक्रमित देखिएका छन्। यसबाहेक जिल्लाका अन्य स्थानीय तहमा पनि थोरै संख्यामा भए पनि डेंगु संक्रमण फैलिएको देखिएको छ।

गएको २४ घण्टामा थप ६ जना नयाँ संक्रमित थपिएको जनाइएको छ। हालसम्म संक्रमितमध्ये २३ जना पुरुष र २८ जना महिला रहेका छन्। 

स्वास्थ्य कार्यालयको तथ्यांक

स्वास्थ्य कार्यालयका अनुसार जिल्लामा डेंगु संक्रमणको दर बढ्दै गएकोले सतर्कता अपनाउन र समयमै स्वास्थ्य सेवा लिन आम नागरिकलाई आग्रह गरिएको छ। साथै, डेंगुको संक्रमण नियन्त्रणका लागि स्थानीय तहमा जनचेतना फैलाउने र आवश्यक सचेतना र विविध स्वास्थ्यको कार्यक्रम गर्न स्थानीय तहलाई  पहल भइरहेको जानकारी गराइएको छ।

• Jigyasanepal