सिड्नी । अस्ट्रेलियाको हालैको अध्ययनले सन् २०५० सम्म क्यान्सरका कारण हुने मृत्युको संख्या विश्वभर दोब्बर हुने प्रक्षेपण गरेको छ। यस अध्ययनअनुसार, सन् २०२२ मा ९७ लाख क्यान्सरबाट मृत्यु हुने अनुमान गरिएको थियो भने यो संख्या सन् २०५० सम्ममा झण्डै १ करोड ८५ लाख पुग्नेछ।
युनिभर्सिटी अफ क्विन्सल्याण्डका अनुसन्धानकर्ताहरूले १८५ देशका ३६ प्रकारका क्यान्सरका विरामी र मृत्युदरको विश्लेषण गरी यो प्रक्षेपण गरेका हुन्। अध्ययनमा कम मानव विकास सूचकांक भएका देशहरूमा क्यान्सरको असर तीव्र रूपमा बढ्ने अनुमान गरिएको छ।
सन् २०५० सम्म फोक्सोको क्यान्सर सबैभन्दा धेरै मृत्युको कारण बन्ने सम्भावना रहेको छ। साथै, पुरुषहरूमा यो दर महिलाहरूको तुलनामा बढी हुने प्रक्षेपण छ।
- Jigyasa media
