काठमाडौं। भारतीय क्रिकेट बोर्डले श्रीलंकाविरुद्ध हुने टी-२० र एकदिवसीय सिरिजका लागि टिमको घोषणा गरेको छ। बोर्डले टी-२० सिरिजका लागि सूर्यकुमार यादवको कप्तानीमा १५ सदस्यीय र एकदिवसीय सिरिजका लागि रोहित शर्माको कप्तानीमा १५ सदस्यीय टिमको घोषणा गरेको हो।
रोहित शर्मा, विराट कोहली, र रविन्द्र जडेजा जस्ता स्टार खेलाडीहरूले टी-२० खेल नखेल्ने घोषणा गरेपछि सूर्यकुमार यादवलाई कप्तान र शुभमन गिललाई उपकप्तान बनाइएको छ। हालै जिम्बाब्वेविरुद्ध शतक बनाएका अभिषेक शर्मालाई भने टिममा सामेल गरिएको छैन।
टी-२० टिममा सूर्यकुमार यादव (कप्तान), शुभमन गिल (उपकप्तान), यशस्वी जैसवाल, रिंकु सिंह, रियान पराग, ऋषभ पन्त, सन्जु सामसन, हार्दिक पाण्डेय, शिवम दुबे, अक्षर पटेल, वाशिंगटन सुन्दर, रवि बिश्नोई, अर्शदीप सिंह, खलिल अहमद, र मोहम्मद सिराज रहेका छन्।
त्यस्तै, एकदिवसीय टिममा रोहित शर्मा (कप्तान), शुभमन गिल (उपकप्तान), विराट कोहली, केएल राहुल, ऋषभ पन्त, श्रेयस अय्यर, शिवम दुबे, कुलदीप यादव, मोहम्मद सिराज, वाशिंगटन सुन्दर, अर्शदीप सिंह, रियान पराग, अक्षर पटेल, खलिल अहमद, र हर्षित राना रहेका छन्।
भारतले श्रीलंकासँग श्रीलंकामा २७ जुलाईदेखि टी-२० सिरिज र २ अगस्टदेखि एकदिवसीय सिरिज खेल्नेछ।
- Reporter
