काठमाडौं ।एएफसी च्यालेन्ज लिगअन्तर्गत त्रिपुरेश्वरस्थित दशरथ रंगशालामा भइरहेको खेलमा चर्च ब्वाइज युनाइटेड र भुटानको पारो एफसीबीचको पहिलो हाफ एक-एक गोलको बराबरीमा समाप्त भएको छ।
चर्च ब्वाइजका लाकेन लिम्बुले खेलको ३८औँ मिनेटमा मोसेस गाबाको हेडमार्फत दिएको पासमा गोल गर्दै टोलीलाई अग्रता दिलाए। तर, दुई मिनेटमै पारोका किंगा वाङ्चुकले चर्च ब्वाइजका गोलकिपर दीप कार्कीलाई छक्याउँदै बराबरी गोल फर्काए।
चर्च ब्वाइज युनाइटेड नेपालका सहिद स्मारक ए डिभिजन लिग विजेता हुन् भने पारो एफसी भुटानको लिग विजेता टोली हो।
- Jigyasa media
