काठमाडौं, फागुन २८ । हाल देशभर पश्चिमी वायुसँगै स्थानीय वायुको प्रभाव देखिएको छ, जसका कारण विभिन्न क्षेत्रमा आंशिकदेखि पूर्ण बदली देखिएको मौसमविद्हरूले बताएका छन्।
बुधबार बिहानको अवस्थाअनुसार कोसी प्रदेशसहित देशका पहाडी भूभागमा आंशिकदेखि मध्यम बदली रहेको छ भने अन्य स्थानमा मौसम सामान्य रहिरहेको मौसम पूर्वानुमान महाशाखाले जनाएको छ।
आज उच्च पहाडी तथा हिमाली भेगमा केही स्थानमा हल्का हिमपातको सम्भावना छ। साथै, कोसी, बागमती र गण्डकी प्रदेशका पहाडी क्षेत्रमा थोरै स्थानमा तथा अन्य प्रदेशका पहाडी भूभागका केही ठाउँमा मेघगर्जन र चट्याङ्गसहित हल्का वर्षा हुन सक्ने सम्भावना रहेको छ।
मौसम परिवर्तनले दैनिक जनजीवन, स्वास्थ्य, तथा सडक र हवाई यातायातमा असर पार्न सक्ने भएकाले आवश्यक सतर्कता अपनाउन मौसमविद्हरूले सुझाव दिएका छन्।
- Jigyasa media
