ललितपुर – ललितपुरको इमाडोलमा खुकुरी प्रहारबाट एक युवकको मृत्यु भएको छ। रामेछाप स्थायी घर भई ललितपुर बस्दै आएका ३० वर्षीय रिपेश खातीको बुधबार राति खुकुरी प्रहार गरी हत्या गरिएको हो।
जिल्ला प्रहरी परिसर ललितपुरका अनुसार हत्यामा संलग्न भएको आशङ्कामा रामेछापकै २५ वर्षीय सुमन रसाइलीलाई पक्राउ गरिएको छ। प्रारम्भिक अनुसन्धानअनुसार, राति करिब साढे ११ बजे भएको विवादका क्रममा रसाइलीले खातीमाथि खुकुरी प्रहार गरेका थिए।
प्रहरीका अनुसार मृतकको घाँटी र गालामा गहिरो चोट लागेको छ। प्रारम्भिक अनुसन्धानमा, खातीले एक युवतीलाई जिस्काएको भन्ने जानकारी पाएपछि रसाइलीले उनलाई भेट्न बोलाएका थिए। भेट्नेबित्तिकै विवाद बढ्दै गएपछि खुकुरी प्रहार भएको बताइएको छ।
हाल प्रहरीले घटनाबारे विस्तृत अनुसन्धान गरिरहेको छ।
- Jigyasa media
