पर्वत – पर्वतमा जिप दुर्घटना हुँदा दुई जनाको ज्यान गएको छ। विहादी गाउँपालिका–३, रानीपानीका ६१ वर्षीय मिनप्रसाद न्यौपाने र गुल्मी, कालीगण्डकी गाउँपालिका–४, पुर्तिघाटका ६४ वर्षीय डिल भट्टचनको घटनास्थलमै मृत्यु भएको प्रहरीले जनाएको छ।
गुल्मीबाट स्याङ्जातर्फ जाँदै गरेको लु १ ज ४४६० नम्बरको बोलेरो जिप बुधबार बिहान विहादी गाउँपालिका–६, सुशीलढुंगास्थित सडकमा अनियन्त्रित भएर दुर्घटनामा परेको थियो।
दुर्घटनामा गम्भीर घाइते सात जनालाई थप उपचारका लागि पाल्पाको मिसन अस्पताल पठाइएको छ। प्रहरीले जिप चालकलाई नियन्त्रणमा लिएको छ भने घटनाबारे थप अनुसन्धान भइरहेको छ।
- Jigyasa media
