काठमाडौं, ३ पौष २०८२ – उच्च अदालत तुलसीपुर बुटवल इजलासले राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेलाई धरौटीमा रिहा गर्न आदेश दिएको छ। सहकारी ठगी मुद्दामा पुर्पक्षका लागि थुनामा रहेका लामिछानेलाई आज बिहीबार रिहा गर्न अदालतले अनुमति दिएको हो।
उच्च अदालत बुटवलका सूचना अधिकारी रामबहादुर कुँवर का अनुसार, रविलाई २ करोड ७४ लाख ८४ हजार रुपैयाँ धरौटी रकम राखेपछि थुनामुक्त गरिने आदेश जारी भएको छ। अदालतले विदेश यात्रा गर्ने अनुमति पनि दिइएको भए तापनि त्यसका लागि पुनः अदालतको पूर्वअनुमति लिनुपर्ने सर्त राखिएको छ।
उच्च अदालत बुटवल इजलासका न्यायाधीश बासुदेव आचार्य र तेजनारायण पौडेल को संयुक्त इजलासले बिहीबारको फैसलामा रुपन्देही जिल्ला अदालतले जारी गरेको थुनामा पठाउने आदेशलाई बदर गर्दै, लामिछानेलाई सर्तसहित धरौटीमा रिहा गर्ने निर्णय गरेको हो।
यस आदेशसँगै लामिछानेलाले थुनाबाट मुक्त भएर आफ्नो व्यक्तिगत तथा राजनीतिक गतिविधि सञ्चालन गर्न सक्ने अवस्था बनेको छ।
-
Jigyasanepal
