२३ पुस, काठमाडौं। चीनको तिब्बत क्षेत्रमा मंगलबार बिहान गएको शक्तिशाली भूकम्पमा परी हालसम्म ३६ जनाको ज्यान गएको छ। यसबारे चिनियाँ सरकारी सञ्चारमाध्यम सीजीटीएनले जानकारी दिएको छ।
सीजीटीएनका अनुसार, भूकम्पको तीव्रता ६.८ म्याग्निच्युड रहेको छ। यद्यपि, नेपालको राष्ट्रिय भूकम्प मापन तथा अनुसन्धान केन्द्रले यसलाई ७ म्याग्निच्युडको भूकम्पको रूपमा मापन गरेको छ।
केन्द्रका अनुसार, भूकम्पको केन्द्रविन्दु तिब्बतको दिंगी क्षेत्र नजिकै थियो र यो बिहान ६:५० बजे (नेपाली समयअनुसार) गएको थियो।
भूकम्पको धक्का काठमाडौंसहित नेपालका धेरै स्थानमा पनि महसुस गरिएको थियो। नेपालमा अहिलेसम्म कुनै ठूलो क्षतिको विवरण प्राप्त नभएको प्रहरीले जनाएको छ।
तिब्बतमा भने उद्धार कार्य तीव्र रूपमा अघि बढाइएको छ। स्थानीय अधिकारीहरूले क्षतिको पूर्ण विवरण संकलन गर्ने प्रयास गरिरहेका छन्।
- Jigyasa media
