आख्यानकार विजय सापकोटा पछिल्लो समय कथा, किशोर उपन्यास र निबन्धमा चिनिएका साहित्यकार हुन् । उनको यस अघि नै प्रकाशित अनावरण कथासंग्रह पाठकहरुले ज्यादै नै रुचाएका थिए । फलस्वरुप अनावरणको दोस्रो संस्करण बजारमा आएको छ । 

सामाजिक जीवनका संवेदनशील पक्षलाई आफ्ना कथाको मुख्य विषय बनाउने विजय सापकोटाका ११ वटा कथाहरूको संग्रह हो अनावरण । सामान्य अनि महत्वहीन ठानिएका विषयको गम्भीर अन्तर्यलाई खोलिएका यस संग्रहका कथाहरूले समकालीन जीवनको राजनीति, समाज र संस्कृतिको विसंगत एवम् विद्रूप चित्रलाई सरल तर संवेद्य ढंगले प्रस्तुत गरेका छन् । हीन भावनाले ग्रसित बनेका, सीमान्तकृत बनाइएका र अन्यायमा पारिएका पात्रहरूको मानसिक दशाको मिहीन चित्रण यसका कथाहरूको अर्को विशेषता हो । पाठकमा कुतूहल सिर्जना गर्न सक्ने बुनोट अनि अकल्पनीय बिन्दुमा टुंग्याइएका यी कथाहरू पाठकलाई लामो समयसम्म प्रभाव पारिराख्न समर्थ हुनेछन् ।

कलम प्रकाशनले बजारमा ल्याएको अनावरणको मूल्य रू. ४९५ रहेको छ । 

• Reporter