Breaking News
प्रधानमन्त्री बालेन शाह भारतको दुईदिने राजकीय भ्रमणमा जाँदै, आज नयाँ दिल्ली प्रस्थान गर्ने    ||     सुदूरपश्चिमको ऐतिहासिक छलाङ : लुम्बिनीलाई १० विकेटले हराउँदै पहिलोपटक एनपीएल च्याम्पियन    ||     एनपीएल उपाधिका लागि लुम्बिनी र सुदूरपश्चिम भिड्दै, कसले उचाल्ला ट्रफी ?    ||     आज देशभरको मौसम मुख्यतया सफा रहने, वर्षा र हिमपातको सम्भावना न्यून    ||     तुलसी–दामोदरको विवाह गराउँदै आज देशभर हरिबोधिनी एकादशी मनाइँदै    ||     ‘अक्वान’ चक्रवात र पश्चिमी वायुको आंशिक प्रभाव, तराईमा हुस्सु र तुवाँलो    ||     पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना    ||     पश्चिमी वायुको आंशिक प्रभाव, तराईमा तुवाँलो र बिहान हुस्सु लाग्ने    ||     उदाउँदो सूर्यलाई अर्घ्य दिँदै छठ पर्व सम्पन्न    ||     कोशी, बागमती र गण्डकीका हिमाली क्षेत्रमा हल्का वर्षा तथा हिमपातको सम्भावना    ||    

‘सलह’लाई पद्मश्री साहित्य पुरस्कार, कृष्ण धरावासीलाई साधना सम्मान

  •   २ महिना अघि | १ असोज २०८३, बिहिबार

काठमाडौं, असोज १ । खेमलाल–हरिकला लामिछाने प्रतिष्ठानले २०८२ सालमा प्रकाशित उत्कृष्ट साहित्यिक कृतिमध्ये कवि तथा गीतकार श्रवण मुकारुङको उपन्यास ‘सलह’लाई पद्मश्री साहित्य पुरस्कार प्रदान गर्ने निर्णय गरेको छ।

प्रतिष्ठानका अनुसार पुरस्कारका लागि प्राप्त ११२ कृतिमध्ये १५ वटा विस्तारित सूचीमा परेका थिए। त्यसबाट छनोट भएका पाँच कृतिको संक्षिप्त सूचीमध्ये मूल्याङ्कन समितिले ‘सलह’लाई उत्कृष्ट ठहर गर्दै पुरस्कारका लागि चयन गरेको हो।

सीमान्त आवाज र सामाजिक प्रश्नको चित्रण

प्रतिष्ठानले ‘सलह’मा नेपाली समाजका सीमान्तकृत आवाज, लैङ्गिक विभेद, हिंसा, विस्थापन र पहिचानसँग जोडिएका जटिल सवाललाई कलात्मक रूपमा प्रस्तुत गरिएको जनाएको छ।

कृतिको काव्यात्मक भाषा, प्रतीकात्मक प्रयोग, प्रकृतिको जीवन्त चित्रण तथा मार्मिक कथनशैलीलाई पनि पुरस्कारका लागि छनोट हुनुका प्रमुख विशेषताका रूपमा प्रतिष्ठानले उल्लेख गरेको छ।

पाँच दशकको साहित्यिक यात्राका लागि धरावासीलाई साधना सम्मान

यस वर्षको पद्मश्री साधना सम्मान साहित्यकार एवं आख्यानकार कृष्ण धरावासीलाई प्रदान गरिने भएको छ।

नेपाली साहित्यमा करिब पाँच दशकदेखि सक्रिय धरावासीका ‘शरणार्थी’, ‘राधा’, ‘आधा बाटो’ लगायत ३२ वटा कृति प्रकाशित छन्। उनले दुई दर्जनभन्दा बढी ग्रन्थको सम्पादनसमेत गरेका छन्।

उनका सिर्जनामा सामाजिक यथार्थ, मानवीय मनोविज्ञान, विभेद र इतिहासका ओझेलमा परेका पक्षलाई प्रस्तुत गरिएको प्रतिष्ठानले जनाएको छ।

पद्मश्री गौरव पुरस्कार जयराज आचार्यलाई

प्रतिष्ठानले यस वर्षको पद्मश्री गौरव पुरस्कार प्रा. डा. जयराज आचार्यलाई प्रदान गर्ने निर्णयसमेत गरेको छ।

नेपाली, अंग्रेजी र संस्कृत भाषाका ज्ञाता आचार्यले साहित्य, भाषाविज्ञान, अन्तर्राष्ट्रिय सम्बन्ध तथा कूटनीतिका विषयमा दर्जनभन्दा बढी कृति लेखेका छन्।

उनका उल्लेखनीय कृतिमा ‘युगनाथ खनाल : जीवनी र विचार’, ‘भानुभक्त आचार्यको रामायण नेपाली र अंग्रेजीमा’ तथा ‘नेपालको परराष्ट्र नीति : एक विमर्श’ रहेका छन्।

तीनै पुरस्कारको राशि तीन–तीन लाख

प्रतिष्ठानका अनुसार पद्मश्री साहित्य पुरस्कार, पद्मश्री साधना सम्मान र पद्मश्री गौरव पुरस्कार प्राप्त गर्ने तीनै जनालाई जनही तीन लाख रुपैयाँ र सम्मानपत्र प्रदान गरिनेछ।

  • Jigyasanepal

थप