काठमाडौं । मुलुकमा पश्चिमी वायुको आंशिक प्रभाव कायमै रहँदा आज पनि देशका विभिन्न हिमाली तथा पहाडी क्षेत्रमा बादल लाग्ने भएको छ । तराईका केही स्थानमा तुवाँलो र बिहानको समयमा उपत्यका तथा खोँचहरूमा हुस्सु र कुहिरो लाग्ने सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार हाल कोशी, बागमती र गण्डकी प्रदेशका हिमाली तथा पहाडी भू–भागमा साधारणतया बादल लागेको छ । लुम्बिनी प्रदेशको पहाडी क्षेत्रमा आंशिक बदली रहेको छ भने तराईका केही स्थानमा तुवाँलो लागेको छ । अन्य भू–भागको मौसम भने सफा रहेको छ ।
आज दिउँसो कोशी प्रदेशसहित बागमती, गण्डकी र लुम्बिनी प्रदेशका हिमाली तथा पहाडी क्षेत्रमा आंशिक बदली रहने अनुमान गरिएको छ । देशका बाँकी क्षेत्रमा मौसम मुख्यतया सफा रहनेछ ।
यसैगरी, कोशी र गण्डकी प्रदेशका हिमाली भू–भागका एक–दुई स्थानमा हल्का वर्षा तथा हिमपात हुन सक्ने सम्भावना रहेको महाशाखाले जनाएको छ ।
आज राति पनि मौसममा खासै सुधार नहुने देखिएको छ । कोशी, मधेश र लुम्बिनी प्रदेशका साथै बागमती र गण्डकी प्रदेशका हिमाली तथा पहाडी भू–भागमा आंशिक बदली रहनेछ । अन्य क्षेत्रमा भने मौसम मुख्यतया सफा रहने पूर्वानुमान छ ।
रातिको समयमा तराईका भू–भागसँगै उपत्यका तथा खोँचहरूमा बिहानपख हुस्सु र कुहिरो लाग्न सक्ने महाशाखाले जनाएको छ ।
बिहानको समयमा हुस्सु, कुहिरो र तुवाँलोका कारण सडक तथा हवाई यातायात प्रभावित हुन सक्ने भएकाले आवश्यक सतर्कता अपनाउनुपर्ने देखिन्छ । विशेषगरी हिमाली क्षेत्रमा यात्रा गर्नेहरूले सम्भावित वर्षा र हिमपातलाई ध्यानमा राख्नुपर्नेछ ।
-
Jigyasanepal