चैत ११, काठमाडौं । आज देशभरको मौसममा पश्चिमी वायु तथा स्थानीय वायुको आंशिक प्रभाव रहने जल तथा मौसम विज्ञान विभागले जनाएको छ।
कहाँ-कहाँ बदली र वर्षा ?
कोशी, बागमती र गण्डकी प्रदेशका पहाडी भूभागमा आंशिक बदली रहनेछ।
कोशी प्रदेशका केही स्थानमा मेघ गर्जन, चट्याङसहित हल्का वर्षाको सम्भावना छ।
उच्च पहाडी तथा हिमाली क्षेत्रका एक-दुई स्थानमा हल्का हिमपात हुनसक्ने अनुमान गरिएको छ।
रातिको मौसम कस्तो रहनेछ ?
आज राति देशभर आंशिक बदलीदेखि मौसम खुला रहने छ।
सतर्कता अपनाउनुपर्ने क्षेत्रहरू
अस्थिर मौसमका कारण कृषि, स्वास्थ्य, यातायात र हवाई उड्डयनमा आंशिक प्रभाव पर्न सक्छ।
चट्याङ र हल्का वर्षाका कारण संवेदनशील स्थानहरूमा सतर्कता अपनाउन विभागको आग्रह छ।
देशका धेरै ठाउँमा आंशिक बदली भए पनि समग्रमा मौसम सामान्य नै रहनेछ। तर, पहाडी र हिमाली क्षेत्रका बासिन्दाले वर्षा तथा हिमपातबाट हुनसक्ने असरका लागि
सतर्क रहनुपर्ने देखिन्छ।
- Jigyasa media
