काठमाडौं । देशका हिमाली तथा पहाडी भू–भागमा आज आंशिक बदली रहने मौसम पूर्वानुमान महाशाखाले जनाएको छ। तराईका क्षेत्रमा भने मौसम मुख्यतया सफा रहने अनुमान गरिएको छ।
जल तथा मौसम विज्ञान विभागअन्तर्गतको मौसम पूर्वानुमान महाशाखाका अनुसार आज दिउँसो कोशी र बागमती प्रदेशका पहाडी भू–भागका एक–दुई स्थानमा हल्का वर्षा हुन सक्ने सम्भावना छ।
त्यस्तै, रातिको समयमा पनि देशका हिमाली तथा पहाडी क्षेत्रमा आंशिक बदली रहनेछ। तराईका भू–भागमा भने मौसम मुख्यतया सफा रहने महाशाखाले जनाएको छ।
राति गण्डकी प्रदेशको हिमाली भू–भागका एक–दुई स्थानमा हल्का वर्षा तथा हिमपात हुन सक्ने पूर्वानुमान गरिएको छ।
यसैगरी, बिहानपख तराईका भू–भाग, उपत्यका तथा खोँचका केही स्थानमा हुस्सु तथा कुहिरो लाग्ने सम्भावना रहेको महाशाखाले जनाएको छ।
मौसममा हुने परिवर्तनलाई ध्यानमा राख्दै पहाडी तथा हिमाली क्षेत्रमा यात्रा गर्नेहरूले आवश्यक सतर्कता अपनाउनुपर्ने देखिन्छ।
-
Jigyasanepal