धुलिखेल, काभ्रे । धुलिखेल नगरपालिका-३, कुत्तालमा निर्माणाधीन सम्बोधी छोर्तेन गुम्बालाई लो परिवारले बुद्धको मूर्ति हस्तान्तरण गर्दै ऐतिहासिक योगदान गरेका छन्। शनिबार आयोजित विशेष समारोहमा वडा अध्यक्ष गणेश आचार्यको प्रमुख आतिथ्यतामा स्थानीय बासिन्दा, वडा सदस्य, र विभिन्न विशिष्ट व्यक्तित्वहरूको उपस्थिति रहेको थियो।
समर्पणको प्रतीक बनेको लो परिवारको योगदान
धुलिखेल-५ निवासी तिलक लो तामाङ र उनको परिवारले निर्माणाधीन छोर्तेनलाई बुद्ध मूर्ति हस्तान्तरण गरेका हुन्। मूर्ति खरिद र हस्तान्तरणको पहल तिलक लोका पिता कृष्ण बहादुर लो तामाङको नेतृत्वमा सम्पन्न भएको हो। परिवारका सबै सदस्यहरू—जसमा चर्चित गायिका सुमिना लो, बुद्ध मान स्याङ्तान, भोजराज लो, गणेश थिङ लामा, दिलमाया लामा, लक्षिण दरि लो, कृष्ण बहादुर लामा, बिष्णुमाया थिङ, छली माया लामा, र ज्ञानबहादुर थिङको योगदान रहेको छ—यो अभियानमा एकताबद्ध भई मूर्तिको व्यवस्था गरेका हुन्।
कुमार सि. तामाङको अभियानलाई आत्मसात् गर्दै, लो परिवारले छोर्तेन निर्माणका लागि बुद्ध मूर्तिको व्यवस्था गरिदिनु केवल आर्थिक सहयोग मात्र नभई धार्मिक विश्वास र सांस्कृतिक उत्तरदायित्वको प्रतीक हो। जापानमा रहेका तिलक लोका छोरा पनि यस अभियानमा पूर्णतः समर्पित भएका थिए।
धार्मिक आस्था र सामुदायिक सहयोगको एक उदाहरण
बुद्ध मूर्तिको हस्तान्तरणसँगै गुम्बा निर्माण समितिले यसलाई सामुदायिक सहकार्य र धार्मिक आस्थाको उदाहरणका रूपमा व्याख्या गरेको छ। छोर्तेन निर्माण अभियानता कुमार सि. तामाङले लो परिवारको अद्वितीय योगदानलाई "सहयोगी मनको धनी" भनेर विशेष धन्यवाद व्यक्त गरे।
तामाङले भने, "सामुदायिक सहकार्य बिना यो अभियान सम्भव थिएन। लो परिवारको विश्वास, सद्भाव, र सहयोगले मात्र यो सम्भव भएको हो।"
सामाजिक मूल्य र सांस्कृतिक उत्तरदायित्वको अभिव्यक्ति
छोर्तेन निर्माण मात्र संरचना निर्माण नभई धार्मिक र सांस्कृतिक जागरणको प्रतीक पनि हो। यो अभियानमा स्थानीय समुदाय, धार्मिक व्यक्तित्व, र सहयोगी परिवारहरूको भूमिकाले सम्पूर्ण क्षेत्रलाई प्रेरणा प्रदान गरेको छ।
यस ऐतिहासिक योगदानले धार्मिक सहिष्णुता र सामुदायिक एकताको सन्देश दिएको छ। लो परिवारजस्ता सहयोगी हातहरूले धार्मिक संरचना मात्र होइन, समाजको सांस्कृतिक र आध्यात्मिक धरातललाई अझ बलियो बनाउन सहयोग पुर्याएका छन्।
छोर्तेन: धार्मिक र सांस्कृतिक धरोहरको आधार
सम्बोधी छोर्तेनको निर्माण कार्य सम्पन्न भएमा यो कुत्ताल क्षेत्रको मात्र नभई सम्पूर्ण समाजको धार्मिक र सांस्कृतिक सम्पदाको रूपमा स्थापित हुनेछ। यो अभियानले समाजमा धार्मिक र सांस्कृतिक चेतनाको बीजारोपण गर्दै भावी पुस्तालाई प्रेरणा दिनेछ।
छोर्तेन निर्माणमा समर्पण र सहकार्यको मिसाल प्रस्तुत गर्दै लो परिवारले केवल मूर्ति हस्तान्तरण गरेनन्, उनीहरूले धार्मिक आस्था र सामाजिक सद्भावको महत्त्वलाई पनि पुनः स्थापित गरे। यो उदाहरणले अन्य परिवार र समुदायलाई पनि यस्तै सकारात्मक योगदानका लागि प्रेरित गर्ने विश्वास गरिएको छ।
- Jigyasa media
