काठमाडौँ, चैत २१ — संयुक्त अरब इमिरेट्सको राजधानी अबुधाबी मा खसेको क्षेप्यास्त्रको भग्नावशेषबाट ७ जना नेपाली घाइते भएका छन्।
शुक्रबार भएको उक्त घटनामा ६ जनालाई सामान्यदेखि मध्यम खालको चोट लागेको छ भने एक नेपालीको अवस्था गम्भीर रहेको जनाइएको छ। घाइतेहरूको नामावली सार्वजनिक गरिएको छैन।
अबुधाबी मिडिया अफिस का अनुसार घटना अबुधाबीको अजबान क्षेत्रमा भएको हो। वायु रक्षा प्रणालीले लक्षित क्षेप्यास्त्रलाई बीचमै अवरुद्ध गरेपछि त्यसका भग्नावशेष खस्दा उक्त क्षति भएको बताइएको छ।
यसै घटनामा ५ भारतीय नागरिक पनि घाइते भएको अन्तर्राष्ट्रिय समाचार स्रोतहरूले जनाएका छन्।
मध्यपूर्व क्षेत्रमा पछिल्ला दिनहरूमा देखिएको तनावका बीच भएको यो घटनाले त्यहाँ रहेका नेपालीसहित प्रवासी श्रमिकहरूको सुरक्षाप्रति चिन्ता थप बढाएको छ। सम्बन्धित निकायहरूले घाइतेहरूको उपचार र अवस्थाबारे थप विवरण संकलन गरिरहेका छन्।
-
Jigyasanepal
